॥ ಶ್ರೀ ಕಾಮಾಖ್ಯಾ ಸ್ತೋತ್ರಮ್ ॥
॥ ಧ್ಯಾನಮ್ ॥
ರವಿಶಶಿಯುತಕರ್ಣಾ ಕುಂಕುಮಾಪೀತವರ್ಣಾ
ಮಣಿಕನಕವಿಚಿತ್ರಾ ಲೋಲಕರ್ಣಾ ತ್ರಿನೇತ್ರಾ ।
ಅಭಯವರದಹಸ್ತಾ ಸಾಕ್ಷಸೂತ್ರಪ್ರಶಸ್ತಾ
ಪ್ರಣತಸುರನರೇಶಾ ಸಿದ್ಧಕಾಮೇಶ್ವರೀ ಸಾ ॥ 1 ॥
ಅರುಣಕಮಲಸಂಸ್ಥಾ ರಕ್ತಪದ್ಮಾಸನಸ್ಥಾ
ನವತರುಣಶರೀರಾ ಮುಕ್ತಕೇಶೀ ಸುಹಾರಾ ।
ಶವಹೃದಿ ಪೃಥುತುಂಗಸ್ತನಯುಗ್ಮಾ ಮನೋಜ್ಞಾ
ಶಿಶುರವಿಸಮವಸ್ತ್ರಾ ಸರ್ವಕಾಮೇಶ್ವರೀ ಸಾ ॥ 2 ॥
ವಿಪುಲವಿಭವದಾತ್ರೀ ಸ್ಮೇರವಕ್ತ್ರಾ ಸುಕೇಶೀ
ಲಲಿತ-ನಖರದಂತಾ ಸಾಮಿಚಂದ್ರಾವನಮ್ರಾ ।
ಮನಸಿಜ-ದೃಷದಿಸ್ಥಾ ಯೋನಿಮುದ್ರಾಲಸಂತೀ
ಪವನಗಮನಶಕ್ತಾ ಸಂಶ್ರುತಸ್ಥಾನಭಾಗಾ ।
ಚಿಂತ್ಯಾ ಚೈವಂ ವಿದ್ಯುದಗ್ನಿಪ್ರಕಾಶಾ
ಧರ್ಮಾರ್ಥಾದ್ಯಂ ಸಾಧಕೈರ್ವಾಂಛಿತಾರ್ಥೈಃ ॥ 3 ॥
॥ ಸ್ತೋತ್ರಮ್ ॥
ಜಯ ಕಾಮೇಶಿ ಚಾಮುಂಡೇ ಜಯ ಭೂತಾಪಹಾರಿಣಿ ।
ಜಯ ಸರ್ವಗತೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ ॥ 1 ॥
ವಿಶ್ವಮೂರ್ತೇ ಶುಭೇ ಶುದ್ದೇ ವಿರೂಪಾಕ್ಷಿ ತ್ರಿಲೋಚನೇ ।
ಭೀಮರೂಪೇ ಶಿವೇ ವಿದ್ಯೇ ಕಾಮೇಶ್ವರಿ ನಮೋಽಸ್ತು ತೇ ॥ 2 ॥
ಮಾಯಾಜಯೇ ಜಯೇ ಜಂಭೇ ಭೂತಾಕ್ಷಿ ಕ್ಷುಭಿತಕ್ಷಯೇ ।
ಮಹಾಮಾಯೇ ಮಹೇಶಾನಿ ಕಾಮೇಶ್ವರಿ ನಮೋಽಸ್ತು ತೇ ॥ 3 ॥
ಭೀಮಾಕ್ಷಿ ಭೀಷಣೇ ದೇವಿ ಸರ್ವಭೂತಕ್ಷಯಂಕರಿ ।
ಕರಾಲಿ ವಿಕರಾಲಿ ಚ ಕಾಮೇಶ್ವರಿ ನಮೋಽಸ್ತು ತೇ ॥ 4 ॥
ಕಾಲಿ ಕರಾಲಿ ವಿಕ್ರಾಂತೇ ಕಾಮೇಶ್ವರಿ ಹರಪ್ರಿಯೇ ।
ಸರ್ವಶಸ್ತ್ರಭೃತೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ ॥ 5 ॥
ಕಾಮರೂಪಪ್ರದೀಪೇ ಚ ನೀಲಕೂಟನಿವಾಸಿನಿ ।
ನಿಶುಂಭ-ಶುಂಭಮಥನಿ ಕಾಮೇಶ್ವರಿ ನಮೋಽಸ್ತು ತೇ ॥ 6 ॥
ಕಾಮಾಖ್ಯೇ ಕಾಮರೂಪಸ್ಥೇ ಕಾಮೇಶ್ವರಿ ಹರಪ್ರಿಯೇ ।
ಕಾಮನಾಂ ದೇಹಿ ಮೇ ನಿತ್ಯಂ ಕಾಮೇಶ್ವರಿ ನಮೋಽಸ್ತು ತೇ ॥ 7 ॥
ರುಧಿರಾಸವಪಾನಾಢ್ಯ ವಕ್ತ್ರೇ ತ್ರಿಭುವನೇಶ್ವರಿ ।
ಮಹಿಷಾಸುರವಧೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ ॥ 8 ॥
ಛಾಗತುಷ್ಟೇ ಮಹಾಭೀಮೇ ಕಾಮಾಖ್ಯೇ ಸುರವಂದಿತೇ ।
ಜಯ ಕಾಮಪ್ರದೇ ತುಷ್ಟೇ ಕಾಮೇಶ್ವರಿ ನಮೋಽಸ್ತು ತೇ ॥ 9 ॥
ಭ್ರಷ್ಟರಾಜ್ಯೋ ಯದಾ ರಾಜಾ ನವಮ್ಯಾಂ ನಿಯತಃ ಶುಚಿಃ ।
ಅಷ್ಟಮ್ಯಾಂಚ ಚತುರ್ದಶ್ಯಾಮುಪವಾಸೀ ನರೋತ್ತಮಃ ॥ 10 ॥
ಸಂವತ್ಸರೇಣ ಲಭತೇ ರಾಜ್ಯಂ ನಿಷ್ಕಂಟಕಂ ಪುನಃ ।
ಯ ಇದಂಶೃಣುಯಾದ್ ಭಕ್ತ್ಯಾ ತವ ದೇವಿ ಸಮುದ್ಭವಮ್ ॥ 11 ॥
ಸರ್ವಪಾಪವಿನಿರ್ಮುಕ್ತಃ ಪರಂ ನಿರ್ವಾಣಮೃಚ್ಛತಿ ।
ಕಾಮೇಶ್ವರಿ ದೇವಿ ಸುರಾಸುರಪ್ರಿಯೇ ಪ್ರಕಾಶಿತಾಂಭೋಜ-ನಿಯಂತ್ರಿತೇ ನಮಃ ।
ಸುರಾರಿ-ಬ್ರಹ್ಮ-ವಿಘ್ನ-ಪಾಟನೋತ್ಸುಕೇ ತ್ರಯೀಮಯೇ ದೇವಿ ನಮಾಮಿ ತುಭ್ಯಮ್ ॥ 12 ॥
ಸಿತಾಸಿತೇ ರಕ್ತ-ಪಿಶಂಗ-ವಿಗ್ರಹೇ ರೂಪಾಣಿ ಯಸ್ಯಾಃ ಪ್ರತಿಪಾದಿತಾನಿ ।
ಕರೇ ಕಪಾಲೇ ಚ ವಿಕಲ್ಪಿತಾನಿ ಶುಭಾಶುಭಾನಾಮಪಿ ತಾಂ ನಮಾಮಿ ॥ 13 ॥
ಕಾಮರೂಪಸಮುದ್ಭೂತೇ ಕಾಮಪೀಠಾವತಂಸಕೇ ।
ವಿಶ್ವಾಧಾರೇ ಮಹಾಮಾಯೇ ಕಾಮೇಶ್ವರಿ ನಮೋಽಸ್ತು ತೇ ॥ 14 ॥
ಅವ್ಯಕ್ತವಿಗ್ರಹೇ ಶಾಂತೇ ಸಂತತೇ ಕಾಮರೂಪಿಣಿ ।
ಕಾಲಗಮ್ಯೇ ಪರೇ ಶಾಂತೇ ಕಾಮೇಶ್ವರಿ ನಮೋಽಸ್ತು ತೇ ॥ 15 ॥
ಯಾ ಸುಷುಮ್ನಾಂತರಾಲಸ್ಥಾ ಚಿಂತ್ಯತೇ ಜ್ಯೋತಿರೂಪಿಣಿ ।
ಪ್ರಣತೋಽಸ್ಮಿ ಪರಾಂ ವೀರಾಂ ಕಾಮೇಶ್ವರಿ ನಮೋಽಸ್ತು ತೇ ॥ 16 ॥
ದಂಷ್ಟ್ರಾಕರಾಲವದನೇ ಮುಂಡಮಾಲೋಪಶೋಭಿತೇ ।
ಸರ್ವತಃ ಸರ್ವಗೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ ॥ 17 ॥
ಚಾಮುಂಡೇ ಚ ಮಹಾಕಾಲಿ ಕಾಲಿ ಕಪಾಲಹಾರಿಣಿ ।
ಪಾಶಹಸ್ತೇ ದಂಡಹಸ್ತೇ ಕಾಮೇಶ್ವರಿ ನಮೋಽಸ್ತು ತೇ ॥ 18 ॥
ಚಾಮುಂಡೇ ಕುಲಮಾಲಾಸ್ಯೇ ತೀಕ್ಷ್ಣದಂಷ್ಟ್ರೇ ಮಹಾಬಲೇ ।
ಶವಯಾನಾಸ್ಥಿತೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ ॥ 19 ॥
ಇತಿ ಶ್ರೀಕಾಮಾಖ್ಯಾ ಸ್ತೋತ್ರಮ್||