ఉక్తం చ భైరవతంత్రే ।
మహాదేవ ఉవాచ -
ప్రీయతాం భైరవో దేవో నమో వై భైరవాయ చ ।
దేవేశి దేహరక్షార్థం కారణం కథ్యతాం ధ్రువం ॥ 1 ॥
మ్రియంతే సాధకా యేన వినా శ్మశానభూమిషు ।
రణేషు చాతి ఘోరేషు మహామృత్యుభయేషు చ ॥ 2 ॥
శృంగీసలీలవజ్రేషు జ్వరాదివ్యాధివహ్నిషు ।
దేవ్యువాచ -
కథయామి శృణు ప్రాజ్ఞ బటుకకవచం శుభం ॥ 3 ॥
గోపనీయం ప్రయత్నేన మాతృకాజారజో యథా ।
ఓం అస్య శ్రీ బటుకభైరవకవచస్య
ఆనందభైరవ ఋషిస్త్రిష్టుప్ఛందః
శ్రీబటుకభైరవో దేవతా బం బీజం హ్రీం శక్తిః
ఓం బటుకాయేతి కీలకం మమాభీష్టసిద్ధ్యర్థే జపే వినియోగః ।
॥ కవచం ॥
ఓం సహస్రారే మహాచక్రే కర్పూరధవలే గురుః ॥ 4 ॥
పాతు మాం బటుకో దేవో భైరవః సర్వకర్మసు ।
పూర్వస్యామసితాంగో మాం దిశి రక్షతు సర్వదా ॥ 5 ॥
ఆగ్నేయాం చ రురుః పాతు దక్షిణే చండభైరవః ।
నైఋత్యాం క్రోధనః పాతు ఉన్మత్తః పాతు పశ్చిమే ॥ 6 ॥
వాయవ్యాం మాం కపాలీ చ నిత్యం పాయాత్సురేశ్వరః ।
భీషణో భైరవః పాతు ఉత్తరాస్యాం తు సర్వదా ॥ 7 ॥
సంహారభైరవః పాయాదీశాన్యాం చ మహేశ్వరః ।
ఊర్ధ్వం పాతు విధాతా చ పాతాలే నందకో విభుః ॥ 8 ॥
సద్యోజాతస్తు మాం పాయాత్సర్వతో దేవసేవితః ।
వామదేవో వనాంతే చ వనే ఘోరస్తథాఽవతు ॥ 9 ॥
జలే తత్పురుషః పాతు స్థలే ఈశాన ఏవ చ ।
డాకినీపుత్రకః పాతు పుత్రాన్ మేం సర్వతః ప్రభుః ॥ 10 ॥
హాకినీ పుత్రకః పాతు దారాంస్తులాకినీసుతః ।
పాతు శాకినికాపుత్రః సైన్యం వై కాలభైరవః ॥ 11 ॥
మాలినీపుత్రకః పాతు పశూనశ్వాన్ గజాంస్తథా ।
మహాకాలోఽవతు క్షేత్రం శ్రియం మే సర్వతో గిరా ॥ 12 ॥
వాద్యం వాద్యప్రియః పాతు భైరవో నిత్యసంపదా ।
ఏతత్కవచమీశాన తవ స్నేహాత్ప్రకాశితం ॥ 13 ॥
నాఖ్యేయం నరలోకేషు సారభూతం సురప్రియం ।
యస్మై కస్మై న దాతవ్యం కవచం సురదుర్లభం ॥ 14 ॥
న దేయం పరిశిష్యేభ్యో కృపణేభ్యశ్చ శంకర ।
యో దదాతి నిషిద్ధేభ్యః సర్వభ్రష్టో భవేత్కిల ॥ 15 ॥
అనేన కవచేనైవ రక్షాం కృత్వా విచక్షణః ।
విచరన్యత్ర కుత్రాపి న విఘ్నైః పరిభూయతే ॥ 16 ॥
మంత్రేణ రక్షతే యోగీ కవచం రక్షకం యతః ।
తస్మాత్సర్వప్రయత్నేన దుర్లభం పాపచేతసాం ॥ 17 ॥
భూర్జే రంభాత్వచి వాపి లిఖిత్వా విధివత్ప్రభో ।
కుంకుమేనాష్టగంధేన గోరోచనైశ్చ కేసరైః ॥ 18 ॥
ధారయేత్పాఠయేద్వాపి సంపఠేద్వాపి నిత్యశః ।
సంప్రాప్నోతి ఫలం సర్వం నాత్ర కార్యా విచారణా ॥ 19 ॥
సతతం పఠ్యతే యత్ర తత్ర భైరవసంస్థితిః ।
న శక్నోమి ప్రభావం వై కవచస్యాస్య వర్ణితుం ॥ 20 ॥
నమో భైరవదేవాయ సర్వభూతాయ వై నమః ।
నమస్త్రైలోక్యనాథాయ నాథనాథాయ వై నమః ॥ 21 ॥
ఇతి శ్రీహరికృష్ణవినిర్మితే బృహజ్జ్యోతిషార్ణవే ధర్మస్కంధే
ఉపాసనాస్తవకే శ్రీబటుకభైరవోపాసనాధ్యాయే భైరవ తంత్రే దేవీరహస్యోక్తం
శ్రీబటుకభైరవకవచనిరూపణం సంపూర్ణం ॥