īśvara uvāca .
koṭitantreṣu gopyā hi vidyātibhayamocinī .
divyaṃ hi kavacaṃ tasyāḥ śṛṇuṣva sarvakāmadam .. 1..
asya tārākavacasya akṣobhya ṛṣiḥ , triṣṭup chandaḥ ,
bhagavatī tārā devatā , sarvamantra-siddhisamṛddhaye jape viniyogaḥ .
praṇavo me śiraḥ pātu brahmarūpā maheśvarī .
hrīṃkāraḥ pātu lalāṭe bījarūpā maheśvarī .. 2..
strīṃkāraḥ pātu vadane lajjārūpā maheśvarī .
hūṃkāraḥ pātu hṛdaye bhavānīrūpaśaktidhṛk .. 3..
phaṭkāraḥ pātu sarvāṅge sarvasiddhiphalapradā .
kharvā māṃ pātu deveśī gaṇḍayugme bhayāpahā .. 4..
lambodarī sadā skandhayugme pātu maheśvarī .
vyāghracarmāvṛtā kaṭyāṃ pātu devī śivapriyā .. 5..
pīnonnatastanī pātu pārśvayugme maheśvarī .
raktavartulanetrā ca kaṭideśe sadā'vatu .. 6..
lalajihvā sadā pātu nābhau māṃ bhuvaneśvarī .
karālāsyā sadā pātu liṅge devī harapriyā .. 7..
piṅgograikajaṭā pātu jaṅghāyāṃ vighnanāśinī .
pretakharparabhṛddevī jānucakre maheśvarī .. 8..
nīlavarṇā sadā pātu jānunī sarvadā mama .
nāgakuṇḍaladhartrī ca pātu pādayuge tataḥ .. 9..
nāgahāradharā devī sarvāṅgaṃ pātu sarvadā .
nāgakaṅkaṇadharā devī pātu prāntaradeśataḥ .. 10..
caturbhujā sadā pātu gamane śatrunāśinī .
khaḍgahastā mahādevī pātu mām vijayapradā .. 11..
nīlāmbaradharā devī pātu māṃ vighnanāśinī .
kartrihastā sadā pātu vivāde śatrumadhyataḥ .. 12..
brahmarūpadharā devī saṅgrāme pātu sarvadā .
nāganūpuradharā devī bhojane pātu sarvadā .. 13..
śavakarṇā mahādevī śayane pātu sarvadā .
vīrāsanadharā devī nidrāyāṃ pātu sarvadā .. 14..
dhanurbāṇadharā devī pātu māṃ vighnasaṅkule .
nāgāñcitakaṭī pātu devī māṃ sarvakarmasu .. 15..
chinnamuṇḍadharā devī kānane pātu sarvadā .
citāmadhyasthitā devī māraṇe pātu sarvadā .. 16..
dvīpicarmadharā devī putradāradhanādiṣu .
alaṅkārānvitā devī pātu māṃ haravallabhā .. 17..
rakṣa rakṣa nadīkuñje hūṃ hūṃ phaṭ susamanvite .
bījarūpā mahādevī parvate pātu sarvadā .. 18..
maṇidhari-vajriṇī devī mahāpratisare tathā .
rakṣa rakṣa sadā hūṃ hūṃ oṃ hrīṃ svāhā maheśvarī .. 19..
puṣpaketurajārheti kānane pātu mām sadā .
oṃ hrīṃ vajrapuṣpaṃ huṃ phaṭ prāntare sarvakāmadā .. 20..
oṃ puṣpe puṣpe mahāpuṣpe pātu putrānmaheśvarī .
hūṃ svāhā śaktisaṃyuktā dārān rakṣatu sarvadā .. 21..
oṃ āṃ hūṃ phaṭ svāhā maheśānī pātu dyūte harapriyā .
oṃ hrīṃ sarvavighnotsāriṇī vighnānmāṃ sadā'vatu .. 22..
oṃ pavitravajrabhūme hūṃ phaṭ svāhā samanvitā .
pūrikā pātu māṃ devī sarvavighnavināśinī .. 23..
oṃ āḥ surekhe vajrarekhe huṃphaṭsvāhāsamanvitā .
pātāle pātu sā devī lākinī nāmasaṃjñikā .. 24..
hrīṃkārī pātu māṃ pūrve śaktirūpā maheśvarī .
strīṃkārī dakṣiṇe pātu vadhūrūpā maheśvarī .. 24..
hūṃsvarūpā mahādevī pātu māṃ krodharūpiṇī .
pha-svarūpā mahāmāyā paścime pātu sarvadā .. 25..
uttare pātu māṃ devī ṭa-svarūpā harapriyā .
madhye māṃ pātu deveśī hūṃsvarūpā nāgātmikā .. 26..
nīlavarṇā sadā pātu sarvatra vāgbhavī sadā .
bhavānī pātu bhavane sarvaiśvaryapradāyinī .. 27..
vidyādānaratā devī pātu vaktre sarasvatī .
śāstre vāde ca saṅgrāme jale ca viṣame girau .. 29..
bhīmarūpā sadā pātu śmaśāne bhayanāśinī .
bhūtapretālaye ghore durgamā bhīṣaṇāvatu .. 30..
pātu nityaṃ maheśānī sarvatra śivadūtikā .
kavacasya ca māhātmyaṃ vai nāhaṃ varṣaśatairapi .. 31..
śaknomi gadituṃ devi bhavettasya phalaṃ ca yat .
putradāreṣu bandhūnāṃ sarvadeśe ca sarvadā .. 32..
na vidyate bhayaṃ tasya nṛpapūjyo bhavecca saḥ .
śucirbhūtvā'śucirvāpi kavacaṃ sarvakāmadam .. 33..
prapaṭhan vā smaranmartyo duḥkhaśokavivarjitaḥ .
sarvaśāstre maheśāni kavirāḍ bhavati dhruvam .. 34..
sarvavāgīśvaro martyo lokavaśyo dhaneśvaraḥ .
raṇe dyūte vivāde ca jayastatra bhaved dhruvam .. 35..
putrapautrānvito martyo vilāsī sarvayoṣitām .
śatravo dāsatāṃ yānti sarveṣāṃ vallabhaḥ sadā .. 36..
garvī kharvī bhavatyeva vādī skhalati darśanāt .
mṛtyuśca vaśyatāṃ yāti dāsāstasyāvanībhujaḥ .. 37..
prasaṅgātkathitaṃ sarvaṃ kavacaṃ sarvakāmadam .
prapaṭhanvā smaranmartyaḥ śāpānugrahaṇe kṣamaḥ .. 38..
ānandavṛndasindhūnāmadhipaḥ kavirāḍ bhavet .
sarvavāgiśvaro martyo lokavaśyaḥ sadā sukhī .. 39..
guroḥ prasādamāsādya vidyāṃ prāpya sugopitām .
tatrāpi kavacaṃ devi durlabhaṃ bhuvanatraye .. 40..
gururdevo haraḥ sākṣāttatpatnī tu harapriyā .
abhedena bhajedyastu tasya siddhidūrataḥ .. 41..
mantrācārā maheśāni kathitāḥ pūrvavatpriye .
nābhau jyotistathā raktaṃ hṛdayopari cintayet .. 42..
aiśvaryaṃ sukavitvaṃ ca mahāvāgiśvaro nṛpaḥ .
nityaṃ tasya maheśāni mahilāsaṅgamaṃ caret .. 43..
pañcācārarato martyaḥ siddho bhavati nānyathā .
śaktiyukto bhavenmartyaḥ siddho bhavati nānyathā .. 44..
brahmā viṣṇuśca rudraśca ye devāsuramānuṣāḥ .
taṃ dṛṣṭvā sādhakaṃ devi lajjāyuktā bhavanti te .. 45..
svarge martye ca pātāle ye devāḥ siddhidāyakāḥ .
praśaṃsanti sadā sarve taṃ dṛṣṭvā sādhakottamam .. 46..
vighnātmakāśca ye devāḥ svarge martye rasātale .
praśaṃsanti sadā sarve taṃ dṛṣṭvā sādhakottamam .. 47..
iti te kathitaṃ devi mayā samyakprakīrtitam .
bhuktimuktikaraṃ sākṣātkalpavṛkṣasvarūpakam .. 48..
āsādyādyaguruṃ prasādya ya idaṃ kalpadrumālambanaṃ
mohenāpi madena vāpi rahito jāḍyena vā yujyate |
siddho’sau bhuvi sarvaduḥkhavipadāṃ pāraṃ prayātyantako
mitraṃ tasya nṛpāś ca devi vipado naśyanti tasyāśu ca .. 49..
tadgātraṃ prāpya śastrāṇi brahmāstrādīni vai bhuvi .
mālyāni kusumanyeva bhavanti sukhadāni ca |
tasya gehe sthirā lakṣmīrvāṇī vaktre vased dhruvam .. 50..
idaṃ kavacamajñātvā tārāṃ yo bhajate naraḥ .
alpāyurnirddhano mūrkho bhavatyeva na saṃśayaḥ .. 51..
likhitvā dhārayedyastu kaṇṭhe vā mastake bhuje .
tasya sarvārthasiddhiḥ syādyadyanmanasi vartate .. 52..
gorocanākuṅkumena raktacandanakena vā .
yāvakairvā maheśāni likhenmantraṃ samāhitaḥ .. 53..
aṣṭamyāṃ maṅgaladine caturddaśyāmathāpi vā .
sandhyāyāṃ devadeveśi likhedyantraṃ samāhitaḥ .. 54..
maghāyāṃ śravaṇe vāpi revatyāṃ vā viśeṣataḥ .
siṃharāśau gate candre karkaṭasthe divākare .. 55..
mīnarāśau gurau yāte vṛścikasthe śanaiścare .
likhitvā dhārayedyastu uttarābhimukho bhavet .. 56..
śmaśāne prāntare vāpi śūnyāgāre viśeṣataḥ .
niśāyāṃ vā likhenmantraṃ tasya siddhiracañcalā .. 57..
bhūrjapatre likhenmantraṃ guruṇā ca maheśvari .
dhyānadhāraṇayogena dhārayedyastu bhaktitaḥ .. 58..
acirāttasya siddhiḥ syānnātra kāryā vicāraṇā .. 59..
.. iti śrīrudrayāmale tantre ugratārākavacaṃ sampūrṇam ..